好耐都冇寫過嘢，趁住今日有啲時間講下近排發生嘅事同大家分享一下我哋呢行嘅辛酸。
首先大家唔好誤會，以為我一講“辛酸”就以為我想講做得好辛苦之類嘢；坦白嗰句做得辛苦反而冇問題,我做呢行比較喜歡成就感,中最唔怕就係辛苦。
好而家入正題：首先利申，呢個客我雖然做咗好多年，但係隨著佢哋嘅人士變動，我哋公司負責嘅項目只係負責佢哋一個特定項目嘅server，遠程備份同埋ha服務。話說舊年年尾個客爆咗鑊畀人encryp曬所有電腦，搞咗個幾月又喺出面搵咗好多所謂網絡保安公司，結果過幾月都冇咩成績都係重新起嗰啲嘢，本來我哋負責個項目一路都傾緊要rebuild整個系統，呢個系統本身係我廿幾年前寫落，十幾年個客用咗一個令人哭笑不得嘅理由同我買咗當年嘅source版權然後由linux轉咗去microsoft平台繼續使用，但係負責嗰間公司做咗幾年就執咗，佢哋每年只係搵一啲第三方公司去做一啲設定同埋局部修改虛應付每一年嘅使用，但隨住ssl同埋microsoft產品嘅更新，基本上已經難以再運行，呢兩年隨住大家對網絡保安嘅要求，沒有加密嘅網站逐漸被淘汰，呢個項目嘅更新更加迫在眉睫。
近年呢個客個嘅it部主管不斷切換，雖說大部分主管都係呢個客嘅總經理搵返嚟，唔係話係乜嘢同學就話乜嘢老友不過可惜個個都孭鑊離場，對於我呢個算係做得最耐嘅vendor，我只能夠將我哋嘅經驗同埋知道嘅嘢盡量幫佢哋，好可惜啲嘢啱啱好似上軌道就唔知點解又換咗人，老實講咁搞法乜都死。每一個新人都鍾意將佢哋合作開嘅vendor帶入去，但係好好笑嘅就係每一個vendor捉幾乎係爆鑊收場；但係最奇怪嘅係今次爆穫個vendor唔單止唔使離場，個it manager更加畀多好多項目佢哋負責，簡直係匪夷所思。
由於我哋負責嘅項目裏面係有一個遠程備份嘅服務，但係作為服務供應商我哋只能保證備份完成，但係備份咗啲乜嘢我哋冇權限去睇，安當時服務嘅設計佢哋嗰邊會有報server收集曬所有要備份嘅資料然後我哋就喺嗰部server sync 過去我哋嗰邊。與我哋嘅紀錄去到佢哋出事前都仲有新嘅資料backup過去，但係到出咗事之後佢哋嘗試喺remote嗰邊搵一啲佢哋想要嘅嘢，但係發覺搵唔到佢哋要嘅嘢，而家就嚟大發脾氣叫我哋孭鑊，仲要話完全唔聽解釋；對住啲咁嘅人除咗祝佢好運我真係冇嘢好講。仲要話而家將將我哋整個項目推曬上雲，我之前所有傾好曬討論好曬嘅全部抹曬，然後搵出面這vendor重新做。不過我最唔抵得嘅就係到今時今日仲有人迷信所有嘢上曬cloud就會唔會有問題發生，佢哋真係唔睇新聞，就連azure唔見咗data都唔負責嘅新聞都唔知，連n/0等於無限大呢個常識都唔知；如果畀當初同我哋一齊起呢度infrastructure嘅董事知道今日呢度搞到咁嘅環境真係唔知會有幾激氣。
近年好多公司請嘅所謂it manager都只係識將啲嘢外判，再唔係就淨係識睇品牌但係連最基本嘅技術邏輯都未識，咁樣就同人講係it manager，孭咗鑊就拍拍籮柚走人，呢十年裏面我睇落最少六七個大客都出事。
做it嘅本來就應該係一個技術活，而家搞到好似用social skills搵食，真係好唔好想。
